Jennifer, na 34 aña, ta un modelo di inspiracion pa tur hende cu ta soña di sigui nan pasion. Como co-fundadora di “The Mentor Academy,” e ta duna curso nan di benta di Real Estate, mindset, y entrepreneurship na compania nan priva. Jennifer ta conoci pa a guia Real Estate Agents cu a cuminsa di 0 y a logra un carera exitoso. Pero e inspiracion di Jennifer no ta limita solamente na negoshi.
Jennifer vd Biezen
Jennifer vd Biezen
Jennifer vd Biezen
Jennifer vd Biezen
Jennifer su amor pa percusion a cuminsa cu apenas 12 aña, ora cu e a tuma su prome lesnan di conga, timbal y bongo. E mentor Uka Hernandez a habri caminda pa Jennifer den e agrupacion di Gaita “Las Originales” na un edad tempran di 13 aña. Poco despues, cu 17 aña, Jennifer ya tabata representando Aruba internacionalmente cu e banda di Carnaval BMW+, incluyendo presentacion na e famoso Arubadag na Hulanda.
Despues di un pausa musical durante su estudio na Hulanda, Jennifer a bolbe Aruba den 2015, unda cu su talento a bobe resalta den “Grupo Melodia,” tocando musica tipico di nos isla. Na 2020, el a uni cu “Upgrade Music & Jeon” y “Dushi Carnival Group,” y asina, sigui impresiona mas hende den Carnaval. Durante 2022, Jennifer a biaha rond cu e “BiggyBoy Forever Tour” di Jeon & Band. Durante 2023 & 2024 Jennifer a keda invita pa e grupo “Chicas Gaiteras” p’asina graba timbal riba e cancion legendario “Cariño” den un bachi nobo, cual tabata un colaboracion cu varios artista nan conoci riba nos isla hunto cu “Chicas Gaiteras”.
Jennifer ta briyando tambe riba social media. Su covers nan di percusion, como e interpretacion creativo di “Son Amores” di Liz Padilla, a yega 1.1M views y a gana hende henter mundo. Actualmente, e ta colabora regularmente cu “Jeon & Band,” representando Aruba na festival nan na Bonaire y Curaçao, y a caba di graba riba e album nobo di Carnaval di Jeon, “Soca is Life”, na unda entre otro tin e cantica “Carnival Baby” featuring BMW Classic y “Daddy Base” cu ta un causando furor actualmente.
E aña aki, Jennifer ta preparando pa un temporada di Carnaval emocionante. E lo ta colaborando cu “D’Islandersz” den e “Soca Monarch” contest y mesora ta introduciendo un genero innovador: amapiano,(cual ta un genero cu ta causando furor na Europa actualmente), fusiona cu soca, hunto cu DJ T-Drick y “Dushi Carnival Group.” E lo pone tambe enfasis riba EDM, un tributo na e legendario Hilward Croes.
Jennifer su proximo videoclip,“Chucuru,” na colaboracion cu Jeon & Band y Ir-Sais, lo sin duda ta un must-watch pa 2025.
Built with Shorthand