Jennifer van der Biezen ta un di e cara principal tras di
The Mentor Academy Aruba, un plataforma cu ta revoluciona educacion local c’un vision humano y practico. Coach, entrepreneur, mentor y musico, Jennifer ta kere cu educacion no ta limita na un klas. Pa dje, educacion ta e puente entre potencial y oportunidad, un biahe pa forma confianza y exito real.
Lanta na Aruba Jennifer, el a observa cu tin hopi hende cu tin talentonan increibel pero nunca a haya e oportunidad pa transforma esaki den un carera exitoso.
The Mentor Academy a keda estableci p’asina yuda “bridge e gap” entre potencial y oportunidad. E ta hopi importante pa realisa cu hasta riba un isla chikito, bo ideanan y bo habilidadnan por haci un impacto grandi.
The Mentor Academy su mision ta simpel pero poderoso: nos tin semper e perspectiva di studiante den mente. Hopi biaha educacion ta sinti rigido, ”outdated” y sin conexion cu bida real. Nos ta kere den crea curso di desaroyo na Aruba cu ta practico, inspira y cu tin habilidad nan cu por wordo poni den practica mesora.
Nos vision ta: Reta e sistema bieu di educacion y reemplas'e cu algo mihor. Nos ta cana banda di nos studiante nan como Mentor y guia. Ora cu educacion ta ful conecta cu bida real, e ta crea confianza, crea oportunidadnan y duna un manera pa crea entrada. Esey ta e mision principal di The Mentor Academy Aruba.
E economia creativo, cu ta tambe yama e “orange economy” ta e futuro di Aruba. Creatividad ta e centro di nos cultura, sea den musica, hospitalidad, evento nan, Real Estate of marketing. Ora nos cuminsa trata creatividad como un recurso cu tin balor, e ta bira un motor pa crecemento y oportunidad.
E futuro di trabou na Aruba no por sigui solamente dependiente pa un parti grandi riba turismo. E mester inclui innovacion, mas entrepreneurship y liderazgo. Esaki ta e motibo pa cu The Mentor Academy a crea training di emprendemento na Aruba cu ta prepara persona nan cu habilidadnan practico pa amplia nan business y carera. Nos ta preparando un generacion cla pa shine den e economia nobo.
The Mentor Academy Aruba ta ofrece un variedad di curso nan, tur enfocando riba tools y conococemento cu por aplica dibiaha:
- Successful Real Estate Selling: un curso di 13 siman pa tur persona cu kier cuminsa un carera como Real estate agent na Aruba. Participante nan ta siña “step-by-step” con pa bende propiedad na Aruba cu confianza y strategia nan comproba.
- Mastery of the Construction World: un curso di 10 siman cu ta mustra e base esencial di e mundo di construccion, manera con pa maneha projecto nan y supervisa si e construccion ta bayendo bon.
- Mindset Reset: un curso di 6 siman pa asina siña con pa adkiri un “growth mindset”. E curso aki ta yuda bo supera miedo y crea confianza den bo mes, reset bo mente na un manera di pensa pa logra exito y desaroya e habilidad di liderazgo.
Nos ta ofrece cursonan adicional den event planning, cryptocurrency y Real Estate Investing.
Cada curso ta sigui e mesun liña: tools practico, comunidad y guia.
Jennifer van der Biezen
Jennifer van der Biezen
Un di nos curso mas nobo aworakinan y mas relevante cu nunca pa e “creative economy” ta “The Marketing Miracle” cu lo start pa prome biaha na November.
E programa di 6 siman aki ta enfoca riba mercadeo digital na Aruba basa riba e maneranan mas nobo di haci marketing. E lo yuda entrepreneurs creativo y small business owners crece nan negoshi dor di uza social media dor di mustra nan con por uza “content creation” p'asina atrae futuro clientenan.
Den e curso, participantenan lo siña strategianan di contenido cu ta gara atencion lihe, con pa usa “storytelling” pa conecta cu clientenan y con pa brand nan mes p'asina por atrae no solamente clientenan, pero tambe mas oportunidadnan riba mercado. Lo siña tambe con pa crea funnels simpel di benta, con pa uza “trends" pa haya atencion di e mercado y con pa uza Inteligencia Artificial pa crea contenido nan creativo.
E curso aki ta hopi mas cu solamente un “social media marketing” training na Aruba. E ta combina mentorship y strategianan cu ta actually traha na Aruba. Si bo ta un entrepreneur y bo ta sinti cu bo mester di un boost den sales.. “The Marketing Miracle” a wordo crea specificamente p'abo.
Ora nos ta pensa riba futuro di Aruba, nos ta mira hopi mas cu lama y hospitalidad. Nos ta mira un isla na unda e sector creativo ta trahando na su ful potencial, na unda nos ta sinti confianza den nos habilidad nan, y unda industria nobo ta florece fuertemente banda di turismo. Esey segun nos ta e poder di e “creator economy” na Aruba y e vision di
The Mentor Academy.
Door di ofrece curso nan y mentorship enfoca riba crecemento personal y exito, nos ta forma lidernan innovativo y entrepreneurs cu ta cla pa tuma nan lugar den futuro. “The Marketing Miracle” ta un parti esencial di e proceso aki.
Si by any chance bo ta cla pa saca ful bo potencial, bishita thementoraruba.com y check out e curso nan cu
The Mentor Academy ta ofrece. Join nos, crece hunto cu nos, y forma parti di e futuro di economia creativo di Aruba.
Built with Shorthand