Den e mundo vibrante di bida nocturno y entretenimento turistico na Aruba, un solo nomber a bira sinonimo cu presentashonnan inolvidabel y un repertorio musical diverso - Jairo Boekhoudt. For di su prome pasonan riba e scenario na 2000 te na su papel actual como lider di un di e agencianan di publicidad mas importante na Aruba JDB, Jairo semper a pusha su mes na limitenan y a drenta den reinventa su mes constantemente. Awor, despues di e pandemia, Jairo ta prepara pa cuminsa un proyecto revolucionario yama ‘Synqoustic’, combinando musica di baile electronico, arte visual, y su raiznan di rock y pop. Kico nos por spera di ‘Synqoustic’.

Mescos cu hopi otro den mundo empresarial, Jairo a enfrenta retonan enorme durante e pandemia. Sinembargo, fiel na su naturalesa, el a bira hinca con pa re inventa su mes na oportunidad pa crecemento. Mientras algun a bolbe na nan formanan antiguo, Jairo a realisa cu e mundo a cambia, y reinventa bo mes no tabata un opcion so, pero un necesidad. Determina pa trece su trabou pa fronteranan nobo, el a busca inspiracion y cosnan nobo pa injecta su pasion pa entretenimento c’un enfoke fresco.

Impulsa pa un deseo pa combina su amor pa musica y arte visual, Jairo a colabora cu productornan Colombiano Andres Bernal y director di arte Kenny Milano pa concebi Synqoustic. Kibrando cu estilonan tradicional di presentacion, Synqoustic ta ofrece un experiencia audio-visual profundo cu ta radica den musica di baile electronico pero semper ancra na base di rock y pop di Jairo.

‘Synqoustic’ ta priminti di ta un mix unico di EDM, arte visual, nostalgia, y mensahenan cu ta pone bo pensa. C’un toke di propaganda di protesta, Jairo ta trata di confronta temanan importante pero hopi biaha sin papia riba nan dor di su presentacionnan. ‘Synqoustic’ ta busca pa desafia e publico, animando reflexion y dialogo riba topiconan cu ta importante. E compromiso solido di Jairo pa efectua cambio y resolucion ta briya den e esfuerso nobo aki.

Reinventa ta rekeri curashi y boluntad pa explora loke ta desconoci. E decision di Jairo pa bay dilanti cu ‘Synqoustic’ ta demostra su determinacion pa sigui evoluciona como un artista y empresario. Dor di aventura den un teritorio desconoci, su obhetivo ta pa inspira otronan y duna ehempel cu reinventa ta un caminda pa exito.