For di mi 15 aña, semper mi a soña cu mi lo traha un dia den contabilidad/finansas. Mi atraccion pa e ramo aki tabata e importancia di finansas den e exito di un negoshi y mi conviccion cu ami por contribui na esaki," Ivana ta cuminsa na bisa. E tabata tin su prome experiencia laboral na 2014 como un Accounting Clerk na Marriott Aruba. Despues, na 2018, el a gradua c’un Bachelor's Degree den finansas y a cuminsa su carera na Grant Thornton Aruba como un Audit Associate.
Durante e dos aña nan trahando den e ramo aki, Ivana a concentra tambe riba su salud fisico tambe perdiendo 30 liber den 4 luna. "Na 2014 -- Instagram a cuminsa florece na Merca y influencers di salud y fitness a cuminsa bira e gran tendencia. Asina mi a habri mi cuenta di fitness y a cuminsa comparti – mi propio trayectoria personal di salud y fitness; regimen di ehercicio, cuminda y receta y informacion di nutricion y fitness.
Durante e tempo ey, mi a dicidi caba cu e momento lo yega den mi bida cu mi lo ta un Personal Trainer Certifica, un Nutrition Coach y un Yoga Teacher Certifica. Pues tur locual ta cay den e espectro di salud y fitness.
Tabata e lockdown di COVID-19 cu a resulta den e punto critico den e bida di Ivana. "Den un luna, mi a cuminsa y completa mi certificacion como personal trainer. Ora cu finalmente mi a ricibi mi certificado den mi man, mi a realisa rapidamente cu esey ta e caminda exacto cu mi mester sigui.
E TRANSICION
Transicion di un carera stabil y bon estableci den finansas pa un industria completamente diferente no tabata un decision facil. "Pa prome biaha den mi bida, mi lo cuminsa algo for di cero, sin un manual, docente of maneho. Su famia tabata skeptico prome, pero nan skepticismo a cambia hopi liher den sosten ora cu e clientela di Ivana a cuminsa crece. Apesar di miedo- y dudanan, e miedo di lamenta despues tabata e forsa mas importante tras di su decision.
CRECIMENTO PERSONAL
“Mi crecemento personal ta enorme desde cu mi a cuminsa cu mi trayectoria di fitness, cu mi transformacion fisico variando anualmente. Cada aña, mi ta cambia mi estilo di entrenamento y e persona nan cu mi ta entrena cu nan, dunando mi experiencia nan di aprendisahe practico cu ta complementa mi conocemento. Importante ta pa mi entrenamento nan ta semper ta alinea cu mi meta nan personal di fitnes pa mi por disfruta di esaki y e por ta sostenibel y beneficioso. Tempo cu mi a muda pa Merca, esaki a pone presion inicialmente riba mi salud mental. Sin embargo, door di establece habitonan clave di bida enfoca rond di salud, mi a bira mas fuerte mentalmente. Mi a gana confiansa den mi mes, a reconoce mi potencial, y a desaroya un vision mas cla pa mi futuro.”
Como un personal trainer, Ivana ta haya satisfaccion enorme den mira su clientenan haci progreso y cambionan positivo duradero den nan estilo di bida. "Cada cliente tin un punto diferente den su cuminsamento y meta. E ta gratificante pa yuda un cliente logra su metanan fisico, aumenta su auto-confianza, expande su conocemento den nutricion, bira mas fuerte mentalmente, y mas importante, construi un relacion miho, mas fuerte, y mas saludabel cu ehecercicio y nutricion."
E FUTURO
Ivana ta mira su mes como un esposa dedica, mama, doño di un negoshi exitoso, y un specialista di salud y fitness biahando, keda na retiro nan di yoga, seminario nan di nutricion, y gruponan di fitness. Su siguiente ‘milestone’ ta pa bira un Yoga Teacher Certifica. "E no ta solamente riba e aspecto fisico, e ta tambe trece beneficio nan mental y spiritual cu por realmente haci transformacion. Mi kier trece e enfoke holistico aki na mi clientenan y yuda nan experimenta bienestar den tur aspecto di nan bida."
Ivana ta aspira pa habri su propio facilidad di salud y fitness, ofreciendo servicionan manera entrenamento personal, klasnan di grupo, y conseho di salud y nutricion. E ta kere cu door di pone un ehempel positivo, e por motiva mas hende pa cuida nan salud miho.
"Acumula asina hopi experiencia y conocemento posibel, y nunca stop di siña. Purba haci loke bo ta stima como un pasa tempo, y si e pasion ainda t’ey, e lo ta bale la pena pa duna esaki un chens," Sigui bo pasion.”
Built with Shorthand