Oranjestad, Aruba - Diasabra ultimo, Boolchands Group a celebra e gran apertura di su ultimo adicion, Crocs Store Aruba. E tienda nobo, situa na LG Smith Blvd.#17 (banda di Diamond's International), ta mustra e ultimo coleccion di sapatonan ‘Crocs’ cu accesorio nan pa homber, muher y mucha.
E apertura tabata yena di entretenimiento pa e publico, cu a disfruta hunto cu nan famia durante e fin di siman di compranan pa Dia di Mama. E celebracion tabata inclui descuento nan special y promocion nan pa e publico. Tambe esnan presente por a disfruta di entretenimiento di DJ Sky, cuminda, bebida y oportunidad pa gana premio nan durante nan compra den e Crocs Store. Varios influencer nan den nos comunidad a atende e evento y nan tur a ricibi un par di Crocs gratis, cu nan despues por a decora cu Jibbitz segun nan estilo individual. E evento tabatin un tremendo ambiente pa e cumprado nan por a disfruta plenamente durante nan diadomingo.
"Nos ta sumamente entusiasma pa trece e marca iconico di Crocs na Aruba, y nos ta invita tur hende pa bin experencia e moda, comodidad, y versatilidad di estilo di nos sapatonan," Ravee Nandwani, Director, a comenta. "Nos team a traha duro pa crea un ambiente unico pa nos clientenan, y nos ta entusiasma pa por ricibi tur hende na nos tienda nobo."
E tienda nobo aki ta ofrece un surtido amplio di estilonan di Crocs, manera e ‘classic clogs’, sandalia, slof, y keds, tambe variedad di accesesorionan manera ‘Jibbitz charms’. E tienda tambe tin un seccion dedica pa mucha, cu variedad di estilo unico y colorido, como tambe un seleccion amplio pa tur edad.
E marca ‘Crocs’ a bira un sensacion global, gusta door di miyones di hende rond di mundo pa su comodidad, durabilidad, y estilo unico. Cu e apertura di e tienda nobo na Aruba, fanatico nan di Crocs lo por tin acceso na e ultimo coleccion y tendencia nan. Pa mas informacion, bishita Crocs Aruba riba social media.
Built with Shorthand