Dia 1 di Maart 2024 den curason di Den Haag tabata un dia di logro pa un yiu di tera. Cindy Van Der Linde, a celebra e gran apertura di su clinica di cosmetica nobo yama Cella Cosmetic Clinic. Mas c’un clinica, esaki ta e prome paso di un soño funda riba su pasion pa cuido holistico di pashent y agrega e auto-estima di cada persona cu bin serca dje, un poco mas ainda. Conoci tambe como yiu muher di e renombra Irene van der Linde di Laboratorio Familiar, Cindy ta trece pa Hulanda su experiencia y un perspectiva fresco riba medicina cosmetica.
Un biahe for di pasion pa innovacion
Despues di casi 3 aña buscando su berdadero pasion den e campo medico, Cindy a descubri cu su interes tabata mas leu di tratamento di malesanan. Su buskeda a hib’e riba e tereno di medicina cosmetica, unda e por combina creatividad cu cuido, ofreciendo un enfoke holistico riba beyesa. "Mi mision ta pa redefini beyesa como un biahe holistico, inspira pa e harmonia di nos propio celulanan," Cindy ta bisa. E vision aki a culmina den e fundacion di Cella Cosmetic Clinic, un nomber cu ta resona cu su vision, señalando e transformacion y balans cu e ta ambishona pa trece pa su clientenan.
Arte ta topa cu medicina
Cella Cosmetic Clinic ta distingui su mes dor di un areglo unico di tratamentonan no-quirurgico For di injectables y skin boosters t’e na tecnologia di mas avansa pa ahusta e piel, e clinica ta ofrece un variacion di servicionan dirigi na mehora integridad fisico y harmonia di cada persona. Situa na un ubicacion strategico den centro di Den Haag, Cella a cuminsa pone su marca desde su apertura caba riba 1 di maart 2024.
Mirando pa futuro, Cindy ta motiva pa e posibilidadnan y e impacto cu Cella por tin riba medicina cosmetico na Hulanda. "Esaki ta solamente e cuminsamento. Mi tin hopi idea cu mi kier implementa," e ta afirma. E compromiso di e clinica pa redefini beyesa y ofrece cuido holistico ta priminti un cambio revolucionario den con tratamentonan cosmetico ta persibi y keda haci. Pabien na Cindy y su ekipo di Cella Cosmetic Clinic.
Built with Shorthand