Gana un auto, un renchi di diamanta Tanzanite y mas cu Fun Domino!
Miles di hende ta den expectativa tur aña di nobo p’e campaña di fin di aña, di Fun Miles y su partnernan. Esaki no unicamente pa motibo di e premionan, pero tambe pa simplemente sinta den famia y disfruta. Miembronan cu cumpra cerca e partnernan participante, ta colecta carchinan di Fun Domino. Nan ta pega esaki na e gameboard cu ta ricibi gratis, pa gana premionan fantastico: Un Toyota Raize di Toyota Aruba, 1 renchi di diamanta Tanzanite di Diamonds International, 100,000 Fun Miles di CMB, AWG 5000 di Kooyman y APEX, y hopi mas. Adicionalmente e carchinan di Fun Domino tin un codigo unico cu bo por raspa y gana premionan extra online ora cu bo ‘Spin The Wheel’ riba funmiles.net. E premionan instantaneo por wordo colecta mesora cerca e partnernan. E campaña ta valido te 29 di januari, 2024.
Con ta hunga Fun Domino
Miembronan ta conecta 10 carchi di Fun Domino na e gameboard. E prome, e dobel seis, ya a keda imprimi riba e gameboard. Un patrocinador mayor manera Kooyman, CMB y APEX por wordo uza como un ‘joker’. Unabes completa, mester deposita e gameboard den e buzon cerca un partner participante. Asina bo tin chance di gana un di e premionan grandi.
Extra: ‘Spin The Wheel’ online, y gana mesora
Ademas di e premionan grandi, miembronan tin chance di gana premionan instantaneo riba funmiles.net. Djis raspa e parti riba bo carchi, haña un codigo y hinca esaki den pantaya di wega. Codigonan ganador, ta keda recompensa cu miyanan bonus, descuento y otro premionan ‘fun’. Mas bo cumpra, mas carchi di Fun Domino y codigo lo bo ricibi, y mas chance lo bo tin di gana tambe!
Tur cos riba funmiles.net
Bo por haña e wega online, reglanan di participacion y un lista completo di premio riba funmiles.net
Tocante Fun Miles
Fun Miles ta e programa di recompensa mas popular na Aruba. Miembronan di Fun Miles ta disfruta constantemente di campañanan ‘fun’ y ofertanan special. Esun cu no kier perde nada ta sigui Fun Miles riba social media, y ta bishita funmiles.net. Ta recomendabel pa download e app cumbiniente di Fun Miles riba bo telefon.
Mas informacion?
Tuma contacto cu nos departamento di servicio na cliente via number
+297 2909947 of bishita funmiles.net of facebook.com/funmiles
Built with Shorthand