Skirbi pa: Jacqueline
Ex-tennista Franz Sydow (28), semper tabatin un gran pasion pa e deporte cu e ta stima. Awor, como presidente nobo di Aruba Tennis Bond, el a bira un luz di speranza pa e tennistanan Arubano cu ta busca cambio y crecemento den nan deporte stima
E amor di Franz pa tennis a nace ora cu el a cuminsa hunga e deporte hunto cu su tata y su tio. El a keda inspira pa e pasion cu su famia tabatin pa tennis y semper a yena su mes cu aspiracion pa hunga tennis profesional.
“Mi semper a desea di hunga tennis profesional, te ora cu mi a bira 18 aña, mi e realisa cu mi kier a hunga college tennis."
Na e edad di 14, Franz a muda pa Hulanda pa train y representa e pais den Junior Davis Cup. “Mi tabata hopi contento, pero mi a pasa un ruta un poco no convencional. Dor di mi ranking, hopi scolnan a trata di recluta mi. Mi a haya 5 invitacion di diferente scol, cu tur gasto paga, pa mira cual mi ta gusta mas."
"E Federacion di Tennis di Hulanda (KNLTB) a accepta mi pa muda pa Hulanda y representa Hulanda. Ora cu mi a tuma e decision aki, mi a laga mi famia na Aruba atras."
Su recuerdo mas aprecia como un Junior Davis Cup player ta ora cu e y su compañero di equipo, Alex Lovera, a gana El Salvador riba e cancha central na El Salvador, apesar di tabatin 200 fanaticonan apoyando, pero no pa nan.
E tennistanan cu e tabata admira ora durante su añanan di tennis Andy Roddick; “Mi tabata gusta e manera cu e tabata serve.”
E les mas valioso cu Franz a siña durante su carera den tennis ta determinacion. E les aki a forma su manera di enfoca riba bida y liderazgo: “Ora c’un persona ta determina di alcansa su meta, e ta haci tur cos den su poder pa logra esey.”
2012
2013
2015
TENNIS ARUBA: E FUTURO
E motivacion di Franz pa bolbe Aruba y contribui na desaroyo di tennis ta debi na su amor pa su famia y pa e deporte. Awor, como presidente di Aruba Tennis Bond, su meta ta pa alinea e tenistanan actual cu nan expectativa y brinda nan cu e hermentnan cu nan mester pa yega na exito.
“E potencial definitivamente t’ey. No solamente esey, pero Aruba semper tabatin tenistanan talentoso, y mi ta sigur cu tin mas ainda cu nos mester descubri.”
Franz Sydow
Franz Sydow
Algun di e retonan cu Franz a topa cune den su rol como presidente di tennis bond, ta inclui falta di tereno pa hunga tennis, division entre e partinan envolvi, y falta di comprension di kico mester pa bira un tenista di nivel mundial. E ta planea di trata e retonan aki door di crea un union y alinea e metanan entre e partido nan envolvi, y tambe buscando patrocinadornan cu ta para pareu cu e balornan di e deporte.
“Asina nos por crea un ecosistema pa sostene e deporte.”
Pa mantene tennis prospero na Aruba, Franz tin planea pa organisa torneonan mensualmente, subi e nivel di coachnan, y introduci iniciativanan manera School Tennis.
"E deporte ta bibo! Djis mira e cantidad di hende cu ta bishita tur e torneo nan internacional manera Wimbledon of US Open.”
E storia di Franz Sydow ta un testimonio di e poder di determinacion, resistencia, y dedicacion na su pasion. Su compromiso y vision sin duda algun, lo crea un impacto duradero riba e deporte y e comunidad. Como presidente di Aruba Tennis Bond, Franz ta comprometi na haci un esfuerzo pa crea un futuro prospero pa tennis na Aruba. E ta uza su propio experiencia como un ex-tenista y su amor pa e deporte pa guia su liderazgo.
Franz su vision di union, desaroyo di talento, y creacion di un ecosistema di sosten, seguramente lo tin un impacto positivo riba e deporte di tennis na Aruba.
Built with Shorthand