E concepto di 'SMART' ta representa un enfoke moderno riba financiamento pa cumpra, traha of renoba bo cas. E idea no ta solamente pa yuda hendenan den e proceso di financiamento, pero tambe pa concientisa nan riba decisionnan consciente cu por spaar placa a largo plaso, haci nan cas mas duradero, y cu ta beneficioso pa nos medio ambiente.

Ademas cu e bishitantenan por a gosa di “standnan” di companianan prestigioso, nan tabatin e chens pa haya un pre-aprobacion inmediato pa un pakete di hipoteca cu un interes atractivo y beneficionan adicional. E chens pa gana premionan grandioso tambe tabata inclui den e pakete aki, cu premionan manera Awg. 10,000 di FCCA pa haci of construi bo cas den un manera mas SMART, Awg. 1,500 Gift Certificate di Apex, y hopi mas!

FCCA, un fundacion estableci na 1979, ta ofrece servicionan financiero y di "real estate," manera financiamento hipotecario, benta di tereno y huur di propiedad. E mision di e fundacion ta pa desaroya y construi viviendanan accesibel, eficiente, y duradero, pa atende cu e necesidad pa casnan social den nos comunidad. Ademas, e compania ta dedica na crea barionan cu un ambiente positivo y sano, promoviendo e bienestar di su habitantenan.