Dr. Renato Van Putten - Ta introduci Imagen Infrared

Dr. Renato van Putten, un figura principal den cuido chiropractico desde December 1990, ta bay introduci un herment diagnostico innovador pa Caribe – Medical Infrared Imaging. Un vision cu ta bira un realidad danki na e apoyo di Qredits - Aruba.

"Na December 1990, mi biahe como un Doctor di Chiropractic a cuminsa," Dr. Renato van Putten ta bisa. El a establece su practica den un camber na cas di su tata defunto, Roy van Putten. E desafionan tabata hopi pasobra cuido chiropractico, cu e tempo ey tabata un concepto nobo na Aruba, hopi biaha tabata mal comprendi y tabata topa cu scepticismo. E confusion cu a surgi ora cu servicionan Chiropractico a keda integra cu sistemanan di pago di Fisioterapia na Aruba tabata un desafio cu e no tabata spera. Pero enfrentando adversidad, Renato a keda fuerte.

Tempo, manera nan ta bisa, ta cura tur cos. Y cu tempo, dedicacion di Dr. Renato a duna su fruto. Su practica pronto a expande, moviendo pa Paradijswijk. Aki, su concentracion a cambia specialmente pa atletanan y esnan cu mester di cuido di rehabilitacion. E facilidad nobo tabata briya cu promesa, unda asta el a agrega un piscina y un centro holistico pa rehuvenece curpa y mente.

Mientras Dr. Renato tabata alcanzando logronan profesional, el a descubri Medical Infrared Imaging – un herment diagnostico cu e potencial pa revoluciona su practica. Esaki ta un aparato cu ta registra prome cu mayoria di estudionan convencional, basa riba e temperatura di diferente tehidonan.

Pero innovacion frecuentemente ta bin cu su desafionan, specialmente financiero. Su speransa di apoyo di un institucion financiero, cu cual el tabatin un relacion di 33 aña, no a haya ni un respuesta bek. El a topa nada mas cu silencio.

Destino ta favorece esnan persistente. Ora un porta a cera, otro a habri y aki ta unda esun di Qredits a habri pa Dr. Renato. Cu Qredits, el a haya e guia financiero cu e tabata buscando. “Nan respuesta inmediato, e interes genuino den mi vision, tabata algo cu mi no a experencia den añanan. Mi tin 33 aña den mi profesion. Mi atende cu diferente instancia nan di prestamo pero nunca manera Qredits. Mi ta duna Qredits tur e credito pa nan atencion, interes den e negoshi chikito y nan apoyo den innovacion cu lo trece beneficio pa cu nos cuido di salud.”

Cu apoyo esencial awor di Qredits, Aruba pronto lo ta e prome isla den Caribe pa introduci e innovador aparato Medical IR.

E introduccion di e Medical Infrared Imaging no ta unicamente un paso di avanze den cuido di salud, pero tambe un confirmacion di e innovacion y progreso cu ta posibel ora entidadnan financiero manera Qredits ta brinda sosten na visionarionan manera Dr. Renato van Putten.

ENGLISH