ora bo ta tende di reinanan di beyesa, e imagen tipico ta esun di participantenan pa coronanan briyante bisti cu shimisnan bunita riba un escenario impactante. Pero, ex- reinanan di beyesa, Desiree van den Berg y Noreen Vingerhoudt, a bay hopi mas leu di e mundo deslumbrante ey. Ambos ta medico competente den estetica cu awor ta combina nan conocemento unico di beyesa cu nan experticio medico profesional pa lansa un clinica estetico avant-garde na Aruba yama- COSMEDICA. E compromiso profesional ta pa introduci tecnicanan avansa Europeo na Aruba.

Despues di hopi aña den practica medico, Noreen tabata cla pa bolbe bek na su cas, Aruba. E no tabata conoce Desiree ainda, pero via un amigo mutuo. Desiree tambe tabata explorando e idea pa bin Aruba pa biba cu su famia. Nan a conoce otro y aki ta unda nan a descubri metanan y pensamentonan similar. Asina e idea di COSMEDICA a nace cu filosofia di beyesa comparti cu ta ancla riba beyesa impecabel y natural.

Naci na Aruba, Noreen ta incialmente un ciruhano di trauma ortopedico cu a traha tanto na Hulanda como na Alemania. El a cuminsa traha como un dokter estetico banda di su trabou como ciruhano na 2012, y a habri su propio clinica na 2016. Tambe el a traha na e di dos clinica mas grandi y renombra na Hulanda: Velthuis Kliniek.

El a traha varios aña como un 'docente spoedzorg', siñando dokternan residente strategianan di ciruhia y con pa maneha situacionnan di emergencia. El a bay riba misionnan humanitario na Benin (Africa Occidental) c’un ONG Aleman y un team pa haci cirugia (den un container) di sala di operacion pa casonan dificil. El a completa su Master den Administracion Comercial (MBA) na 2022 y a ricibi su di dos titulo medico na 2022: Cosmetisch Arts KNMG. Noreen tabata den e top 10 finalista pa Mrs. Netherlands Universe na 2016 y desde 2013 e ta skirbi un editorial yama 'World of Wine' den Society World Magazine. Di su trabou den estetica, e tin su estilo defini: “Mi gusta e precision envolvi, e arte tras di e proceso y e ‘uniqueness’ di cada individuo.

Bo por di berdad yuda un hende, aunke ta diferente cu na un hospital c’un enfermedad serio. Sea pa suavisa algo cu realmente ta causa inseguridad of pa yuda un hende mustra mas manera cu e ta sinti. Esaki ta masha gratificante. Cada acercamento ta personal tumando na cuenta personalidad, etnicidad y preferencia. Como cu nos conocemento di e manera cu e cara ta envehece a mehora significantemente durante e añanan, nos tin un mihor comprondemento awor con pa trata y mantene resultadonan natural.

P’ami, ‘menos ta mas’ ta e clave, y resultadonan natural ta loke mi ta busca. Nos mester envehece, y nos meta ta pa yuda un hende envehece bon, no pa reversa esey. Anti-envehecimento no ta realistico. Si loke un hende ta pidi no ta realistico of factibel, mi lo no haci e tratamento.”

Un dokter medico (MD) for di Universiteit van Amsterdam, specialisa den estetica, y certifica via e titulo KNMG. E ta un trainer internacional pa Allergan Medical Institute, unda e ta siña otro dokternan tocante anatomia, consulta, e proceso di envehecimento y e ehecucion perfecto di tratamentonan cu fillers di acido hyaluronico y toxina botulinum.

Durante un consulta, e ta examina su clientenan di manera holistico atravez di imagennan 3D y cu preguntanan detaya pa yega na un plan di tratamento personalisa.

Honestidad, seguridad y resultadonan natural ta su garantia, y haciendo su clientenan mira con nan ta sinti ta su herment pa midi pa sa con exitoso su tratamento tabata. Cu su background di Miss Netherlands 2010, e tin un afinidad natural cu beyesa y su mision ta pa haci su clientenan tin mas auto-confiansa y empodera nan pa ta e miho version di nan mes.

"Nos kier pa hende duna nos clientenan elogio pasobra nan ta mustra bon, descansa, y radiante sin cu e ta obvio cu nan a haci algo na nan cara," Desiree ta bisa.

Seguridad y validacion medico ta primordial. Tur nan servicionan ta respalda pa investigacion cientifico solido y ta keda haci pa profesionalnan medico pa sigura resultadonan poderoso cu tempo minimo di recuperacion.

C’un enfoke inicial riba tratamentonan di Botox y filler, nan ta planea pa introduci mas tratamentonan dirigi pa cara y curpa pronto. Via COSMEDICA, Noreen y Desiree ta aspira pa haci e ultimo tecnicanan di dermatologia cosmetico mas accesibel y pa empodera nan clientenan pa ta e miho version di nan mes. Hunto, nan ta pionero awor di e forma di engrandece beyesa na Aruba, c’un estilo mas natural y propio.

ENGLISH

TopBuilt with Shorthand