Cu mas di 30 aña den mercado, Delta Blue su productonan a evoluciona y cambia pero locual a keda constante ta e servicio cu nan ta brinda na cada cliente. Awor, bou di maneho di e segundo generacion, Osmar Britten, orguyosamente ta continua e legado y servicio cu su mayornan a brinda.
Cu confiansa Osmar Britten, managing director di Delta Blue por bisa “ Ora cu bo yama nos, bo por conta cu nos t'ey pa soluciona bo problema y kita e preocupacion cu bo tin.” Siguramente ta e vision aki cu a haci Delta Blue crece for di un team chikito pa awendia yega na un team di 12 empleado cu ta sostene otro y ta atende Expo’s y seminario pa sigura cu nan ta al dia cu e cambionan den tecnologia p'asina por sigui brinda e servicio cu nan ta conoci p’e.
Algun di e productonan innovativo cu Delta Blue ta invita publico pa bin conoce , ta nan machinenan di print, impresion di carchi cu chip, reconocemento y registro facial pa control di acceso, ademas di solucionnan pa video conferencia y presentacion. Y tambe ta ofrece varios machine pa destruccion safe di informacion confidencial cu ta riba papel, cd of hasta hard drive.
E productonan aki ta ideal pa entrepreneurs, pero tambe pa companianan grandi y chikito manera tur tipo di oficina, scol, banco y pa tur esnan cu tin e deseo pa crea mas eficiensa y productividad mientras tambe bahando nan gastonan.
E productonan aki ta accesibel cu opcion pa cumpra of lease machine , sigurando un bon fit pa cada cliente. Tur persona cu ta interesa den implementa solucionan tecnologico innovativo den nan compania por tuma contact cu Delta Blue pa asina coordina un presentacion personal.
“Cada producto di Delta Blue ta bin hunto cu e garantia di un compania local cu den cuestion di ora t’ey pa asisti den reemplasa, drecha of duna guia tecnico.” Osmar Britten, ta sigura.
Built with Shorthand