Anaïsa Orman, ta un mama determina di 27 aña, ta un di e candidata nan pa e titulo di MISS UNIVERSE ARUBA 2023. E ta tambe e prome biaha c’un candidata cu tin yiu ta participa na e certamen y esaki ta demostra su deseo profundo pa representa Aruba riba un escenario internacional, y c’un mindset fuerte y firme, e ta cla pa enfrenta e desafio aki.
Pakico bo a inscribi pa MISS UNIVERSE ARUBA?
Un di mi deseo mas grandi tawata pa competi den certamen di Miss Aruba pero den e tempo eynan tawattin un ‘strict beauty standard’ cu bo no por tin yiu y bo no por tin
pareha. Pero e aña ‘ki mi deseo y oportunidad a habri p’ami, Atami ki cla pa marca historia di nos hende muher, un, mama haciendo su soño realidad y habri e porta pa hopi mama
nan cu tin un deseo cu nan kier cumpli cu nan por logr’e.
Nombra 3 cualidad nan unico cu bo ta posee cu ta haci abo, e persona ideal pa representa Aruba riba un escenario internacional?
• E Gana di crece y inspira otro.
• Strict Mindset pa locual mi meta nan cu mi propone
• Open minded pa critica nan cu ta hacimi crece den un manera unico
EXPERIENCIA DI BIDA
Conta un experiencia cu a formabo den e persona cu bo ta awe y con esaki ta motiva bo den bo participacion di e certamen di Miss Universe Aruba?
Dificultad nan y obstaculo nan cu bida a enfrentami cune a ponemi crece como un persona pa ta fuerte den su sapato. Mi yiunan ta mi motivashon nan pa logra tur locual mi propone den mi bida. Esaki a motivami pa demostra cu nos como mama tambe por logra nos soño nan y cu nos
yui nan no ta un estorbo pero un motivashon y inspiracion pa sigui padilanti ni maske con dificultad of obstaculo bida pone den nos bida. Nos como mama por sigui ta ehempel di un cambio y un era nobo. E gran motivashon ta mi yuinan y mi a bini pa duna tur nos mama nan e speransa pa pusha pa nan meta y soñonan.
Aruba ta conoci pa su atraccion turistico pero ta enfrenta desafionan a causa di e crecemento di turismo y construccion di hotelnan. Kico ta e pasonan cu abo ta kere cu mester keda tuma pa balansa crecemento economico y preservacion ambiental?
Nos Isla ta conoci pa ta Happy island pa nos cordialidad, nos hospitalidad, nos cultura diverso aceptashon y trato na cada un persona. Apesar di tur desafio cu Aruba por a enfrenta semper nos a laga cada un turista, cada persona cu bishita nos isla sinti nan mes na cas y pa mantene nos balansa economico por cuminsa ,tin desaroyo nan sostenibel economico Aruba sigur lo por tin y mantene e balansa cu nos tin mester.
Como un posibel embahador pa Aruba, con lo bo usa bo plataforma pa mehora imagen di nos isla y contribui na su desaroyo?
Mi lo kier mira mas sosten pa nos como mama, paso no ta paso nos ta mama porta mester sera pa nos. Duna nos como mamanan e chens pa crece y cumpli cu deseonan cu nos tin
pa logra cualkier meta cu nos kier logra. Habri porta di oportunidadnan unda por mira mas igualdad. Nos yuinan no ta estorbo, alcontrario nan ta e motor y motibo cu nos ta lucha dia aden y dia afo p’asina nos duna nan e ehempel di ta un luchador cu nada no por stroba nan pa tur loke nan propone den bida. Mamanan mi ta representa boso duna boso e forsa y speransa cu nos tambe por logra loke nos ta desea den bida y p’e ultimo desaroyo nan sostenibel.
Den un era unda nos comprendemento y comprension di beyesa ta evoluciona, kico ta bo definicion di beyesa como un participante den un concurso di beyesa?
No ta importa bo estatura, bo peso , bo color di cuero, sea muhe of mama, tur tin nan beyesa unico y tur merece e mesun oportunidad y por comparti e mesun soño.
Built with Shorthand