Conoce Arjen Aarnoudse y Farah Agarwal, un pareha di arkitecto cu no ta solamente diseñando cas/edificio nan, pero ta haciendo di nan parti pa forma un futuro mas sostenibel, unda cu nan ta. Nan mudansa recien pa Aruba ta marca e comienso di un capitulo special, unda nan firma, 'The Way We Build,' tin como meta pa introduci y integra diseño sostenibel hunto cu practicanan di construccion den e paisahe arkitectonico di Aruba. Nan enfoke ta mas cu unicamente estetica; e ta un compromiso pa crea espacionan eco-amigabel, funcional y innovativo den harmonia cu e cultura y ambiente vibrante di e isla.
Un enfoke pionero pa construccion sostenibel. Esaki no ta trata solamente di scoge material eco-amigabel, pero tin di haber cu e pensamento pa reconsidera con nos ta construi un cas/ edifico, desde cuminsamento caba. Farah, cu su wowo detayista pa diseño, ta splica, "TimberTropic' ta nos manera di armonisa cu naturalesa, usando palo masivo pa crea structuranan cu ta bunita pero tambe amigabel pa e medio ambiente."
Como e prome arkitecto nan den nan famia respectivo, Arjen y Farah a conoce otro durante nan estudio y a bira inseparabel desde e tempo ey, tanto den bida como den nan dedicacion pa arkitectura sostenibel. Nan partnership a extende mas leu di nan trabou profesional; nan ta casa pa nuebe aña y ta orguyoso mayornan di dos yiu. E raiznan di Farah ta profundo ancla den Aruba, trahando bek pa su mama, kende tabata un inspiracion significante den su bida. Apesar di e perdida reciente di su mama poco despues di nan mudansa, Farah ta determina pa honra su legado haciendo Aruba e cas di nan famia cu sostenibilidad, como su trabou principal.
Pa Arjen, mudando pa Aruba tabata un decision natural y facil cu su deseo di apoya Farah y explora oportunidad nan nobo. E ta mira nan mudansa no solamente como un cambio di locacion, pero mas como un oportunidad pa trece nan vision arkitectonico sostenibel na bida den un ambiente yena di potencial.
Mientras ambos Arjen y Farah ta habil den arkitectura, e pasion di Farah ta inclina mas pa diseño interior, unda e ta sobresaliente den creando espacionan cu ta tanto bunita como di mas nificacion. Arjen ta admira e aspecto aki di e experticia di Farah, reconociendo con nan fortaleza diferente ta complementa otro perfectamente. Hunto, nan ta aspira pa infunde nan trabou cu sostenibilidad, apuntando pa influencia positivamente e paisahe arkitectonico di Aruba.
Nan trabou no ta limita na un locacion so. Traha edificionan sostenibel atraves di Europa y Africa, nan ta trece un riqueza di experiencia y un perspectiva global pa Aruba. "Cada proyecto a yuda nos comprende con nos por biba den harmonia cu nos medio ambiente," Farah ta refleha.
Aruba ta mas cu solamente un locacion nobo; e ta un oportunidad nobo pa haci un impacto significante. Farah, cu su lazonan cu e isla, y Arjen, semper cla pa un reto, ta mira Aruba como un lugar perfecto pa innovacion sostenibel den arquitectura. "Introduciendo 'TimberTropic' ta sinti manera nos ta planta simiyanan pa un futuro mas berde," Farah ta señala. “Nos dos ta diseñadornan fuerte den no trabou, diferente pero complementario.” Farah ta un berdadero ‘aficionado’ y ta mas orienta riba material, mientras cu Arjen ta mas tecnico y ta gusta di coordina activamentena e lugar di construccion.
"TimberTropic," un concepto di construccion innovativo propuesto pa Arjen y Farah Aarnoudse, ta priminti di revoluciona construccin na Aruba. Usando plachinan solido di palorefero como” cross-laminated timber. E metodo aki ta simplifica e proceso di construccion atraves di componentenan prefabrica entrega den container, permitiendo un forma di arma esaki mas liher, manera ta un ‘puzzle’. E estilo unico aki, cu ainda no ta obtenibel na Aruba, ta ideal tanto pa construccion nan nobo como pa mehoracion nan na edificionan existente. Cu durabilidad comparabel na concreet, "TimberTropic" ta adecuadamente apto pa e clima tropical di Aruba.
Su cualidadnan pa por insula den forma natural ta ‘energy-efficient’, un consideracion clave pa e condicionnan ambiental di e isla. Como Arjen y Farah ta boga pa arkitectura sostenibel, "TimberTropic" ta representa un forma innovativo y eco-amigabel pa construccion, cu ta alinea na e enfoke global creciente riba sostenibilidad na momento di diseña y construi. "TimberTropic" tambe ta ofrece un flexibilidad unico – e plachinan solido di palo por wordo desarma, warda, y pone otro caminda despues, permitiendo cu e structuranan por keda mobilisa y re-uza si ta necesario. E metodo di construccion innovativo aki a keda implementa cu exito den hopi partinan di Europa, unda e ta wordo uza pa construi casnan moderno bunita y hasta edificionan di varios pisonan, demostrando su versatilidad y efectividad.
TimberTropic ta un colaboracion entre The Way We Build y Element Buildings.
Arjen y Farah, ta di e pensamento cu arkitectura ta un viahe colaborativo. Nan ta kere den envolvi cliente y comunidad den cada paso di e proceso di diseño. "Nos proyectonan ta combersacion nan – cu nos clientenan, e comunidad, y e medio ambiente."
Inspira y implementa practicanan di construccion sostenibel, esey ta e meta principal di e duo unico aki. Hunto, nan ta visualiza e transformacion di espacionan tradicional, mustrando cu sostenibilidad y estetica por co-existe armoniosamente. Arjen y Farah, nos ta djis 2 arkitecto, nan ta e protagonistanan di un vision grandi, crea un Aruba sostenibel den un realidad.
Built with Shorthand