All to car ta celebra logro y aniversario

All To Car ta celebrando den e dianan aki e prome aniversario di Hozon na Aruba. Fuera di esey tin mas marca y modelo ta incorporando na e famia y All To Car kier comparti tur e logronan aki cu e pueblo di Aruba.

E celebracion cu a cuminsa for di den luna di mei caba ofreciendo descuento y regalo pa e cumpradonan di un Hozon modelo Neta V of Neta U Pro, ta alcansa su punto maximo cu e anuncio cu All To Car a caba di keda re certifica door di e fabricante, y ademas awo ta un distribuidor oficial exclusivo pa Aruba, Boneiro, Corsou y Venezuela.

All To Car ta sumamente orguyoso di a ricibi e re certificacion y e titulo di distribuidor di manera oficial. Esaki ta un muestra di e seriedad di Hozon den su maneho y proceso, pero tambe di e confiansa cu tin den All To Car y e mercado di Aruba. Hozon ta un fabricante Chines di vehiculonan electrico funda na 2014 pa e Zhejiang Hezhong New Energy Automobile Company..

Hozon ta ofrece riba nan modelo Neta V un prijs di introduccion reduci cu seis mil florin.

Mientras cu e modelo Neta U Pro cu ya tin varios doño satisfecho coriendo rond Aruba, tin actualmente un descuento di 10 mil florin, regalo di Hozon tambe pa marca e prome aniversario na Aruba. Adicionalmente, riba e fecha di aniversario, lo tin representante di banco na All To Car pa asina regla e financiamento.

E seleccion di All To Car ta uno masha amplio y ta inclui tambe e marcanan Changan y Baw, cual ultimo ta e mas nobo na Aruba y tambe All To Car tin su certificacion como agente oficial. For di Baw a caba di ricibi un pick up super economico, pero cu tur e capacidad y comodidad di un pick up di luho.

Mescos ta tur otro modelo di All To Car, bo ta haya calidad halto, tur caracteristica tecnologico y luho, ademas di garantia y sosten di pieza y garashi, pero na un prijs hopi mas accesibel cu e competencia. For di compacto y sedan, te na cross over y SUV, mientras cu pa uzo industrial tin tambe opcion di van, bus y truck di carga. Bo por scoge entre un vehiculo electrico, di diesel of di gasolin; tur na e prijsnan di mas competitivo cu tin na Aruba.

Tur auto ta conta cu e garantia standard di auto pa cinco aña of 100 mil kilometer. E opcion electrico ta uno cu a demostra di ta hopi bentahoso pa esunnan cu a cumpra un caba. Na luga di paga 150 florin pa siman na gasolin, cu ta 600 florin pa luna adicional na e pago na banco; awo ta paga djis 80 florin adicional riba nan recibo di coriente.

E oferta aki ta pa special pa e fecha di aniversario, pero All To Car ta extend’e pa un tempo limita. No perde e chens di forma parti di e fiesta di promocion y descuento. Pasa awe mes na All To Car su sede principal ubica riba L.G. Smith Boulevard. Su personal conocedo lo guia bo door di e diferente modelonan pa haya esun cu miho ta pas cu bo. Pa mas detaye sigui All To Car riba media social

ENGLISH