AIR NEW ZEALAND TA PIDI PASAHERONAN PA PISA PROME CU NAN BIAHE
NAN TA REKERI E DATONAN PA YUDA CALCULA E PESO Y BALANS DI AVIONNAN PROME CU DESPEGUE
Aerolinea nacional di New Zealand ta pidi pasaheronan pa pisa despues cu nan a check in pa vuelonan internacional for di Auckland International Airport.
Air New Zealand kier pisa 10,000 pasahero durante e encuesta di un luna. E peso lo wordo registra anonimamente den un base di dato pero lo no ta visibel pa personal di aerolinea of otro pasaheronan, e compañia a bisa.
Ta un parti di rekisito door di ‘Civil Aviation Authority’, “Ta un rekisito regulatorio pa nos sa e peso di tur cos cu ta drenta e aeroplano, y tin un bon motibo pa esey,” Alastair James, e especialista di control di carga di e aerolinea, a bisa. "Pa bula di forma sigur y eficiente, nos mester por calcula e peso y balans di e aeroplano cada biaha nos bula.”
No ta e prome biaha cu e aerolinea a pidi pasaheronan pa pisa, cu clientenan riba vuelonan domestico a wordo pidi pa haci esey un par di aña pasa.
Mientras cu e encuesta a ricibi sosten amplio na New Zealand, algun ciudadano di Merca a expresa nan preocupashon riba social media tocante privacidad y discriminacion di curpa.
John Cox, experto di aviacion di NBC News, a bisa cu e metodonan y datonan colecta door di Air New Zealand ta importante y por trece "beneficionan amplio" pa e mundo.
"Air New Zealand y e reguladornan di New Zealand en realidad ta yudando e industria. Mi ta kere bo por mira algun otro aerolineanan uza esaki na cierto punto den futuro," el a bisa.
E aerolinea a bisa cu e encuesta a cuminsa e siman aki y lo sigui te 2 di Juli 2023.
Kico abo ta pensa?
Built with Shorthand