Bayendo bek un 15 aña pasa, Aruba tabata inicialmente un destinacion favorito pa pasa vakantie pa Adriana y su ex casa. Ambos bailadornan di ballet den forma profesional cu nan academia na New Jersey cu tabata stima Aruba. Pero tabata e vakantie nan aki cu a habri caminda pa haci Aruba nan cas permanente. Baile ta un lenguahe universal.
Loke a cuminsa c’un presentashon cu nan a presenta di “The Nutcracker” na Cas di Cultura, a bira un compromiso dedica pa e comunidad di baile di e isla. Na 2013, e pareha a dicidi pa tuma e paso di sera nan academia di baile na New Jersey y muda y asina nan a habri Kozlov Dance Academy. Durante e ultimo 10 añanan, ta centenares di muchanan a pasa na e scol y ta un cantidad di produccion y presentacion nan a keda realisa. Pero bida tin su propio ritmo. Adriana y su casa a separa poniendo un fin na e scol di baile bou di maneho di ambos.
Adriana awor a haya su mesun ritmo cu su propio scol di baile yama Empower Arts.
Photo by Michael Salazar
Photo by Michael Salazar
Cada transicion ta bin cu su desafionan y recompensanan. Pa Adriana, avansa for di un negoshi conhunto pa maneha su propio academia di baile tabata un paso di fe. "Tabatin varios factornan," e ta confesa, reflexionando riba su decision pa cuminsa Empower Arts." Pero na final di dia, tabata tocante loke mi tabata desea. Mi tabata mester mas libertad... y pa laga mi luz briya manera cu e tabata destina pa briya. Mi motivacion principal ta sigui ta mi studiantenan; nos conexion ta fuerte.
Nan inocencia y amor ta motivami, y awor mi ta responsabel pa nan experiencia completo na Empower Arts, y mi ta mira dilanti cu entusiasmo pa nos logronan comparti. Contrario na creencia popular, baile, specialmente ballet, no ta pa ‘elitenan’. E gastonan di mi academia di baile ta comparable cu loke mi ta paga pa mi yiu su seccionnan semanal di futbol, hasta cu nos facilidadnan specialisa.
Na Empower Arts, nos ta enfoka riba un ambiente positivo y inclusivo, unda studiantenan ta sinti nan mes liber pa expresa y descubri nan mes. Un bes cu nan ta sinti sigur, nan por explora nan creatividad y potencial. Mi por siña nan e tecnicanan necesario, pero ta nan mes mester kier ta den e proceso, usando baile pa descubri ken nan ta en realidad.
E cultura di baile na Aruba ta yena cu energia. Tin hopi scolnan di baile y presentacionnan durante henter e aña, na Cas di Cultura y otro festival nan. Nos semper ta busca pa colabora cu otro artistanan pa incorpora baile den mas eventonan. Por ehempel, nos a yuda duna bida na un pintura di ballet di Edgar Degas den un exposicion. Tin eventonan anual sosteni pa gobierno pa promove baile den scolnan y entre e hoben nan. Ami personalmente, ta combina elemento nan di cultura Arubiano cu mi baile. Cada aña, mi ta baila riba Plaza Betico pa sostene cantantenan local. Regularmente, mi ta presenta hunto cu artistanan local bailando riba canticanan Arubiano. Awor cu mi tin mi mesun academia, mi tin plan pa crea baile riba canticanan di Aruba pa mi studiantenan y comparti esaki cu e comunidad. Mi ta sinti cu esaki ta esencial pa mi studiantenan mantene y duna bida bek nan e cultura Arubiano den e arte aki.
Art Fashion 2023, performing "Pueblo Lanta"
Art Fashion 2023, performing "Pueblo Lanta"
Haci negoshi na Aruba por ta caro. Sinembargo, cu aliansanan manera Go Cultura Foundation y sosten di Prins Bernhard Cultuurfonds Caribisch Gebied, mi por brinda programanan economico pa muchanan di 6-12. Arthur y Edjean di Go Cultura a guia mi den logra fondo pa lesnan di ballet y ayudo financiero for di exterior. Esaki ta tene prijsnan competitivo, den linea cu mi vision di accesibilidad.
Un momento sobresaliente tabata actuando pa e Famia Real, unda e ambiente tabata unico na San Nicolas. Un otro momento di orguyo tabata e debut di Empower Arts na Art Fair cu e cancion “A Million Dreams.” Tambe memorabel, tabata nos victoria na “Un Canto pa Aruba, su Himno y Bandera” Festival 2022 cu e cancion “Ora Bo Ta Wak E Shelo,” bailando cu bandera di Aruba mirando silueta di Betico Croes. Pa sigura acceso amplio, nos ta actua na eventonan local, telecast shows riba Telearuba, y ta dona carchinan no bendi, na organisacion nan manera Imeldahof of SABA, permitiendo esnan menos afortuna pa disfruta presentacionnan en vivo.
Empower Arts ta empodera studiantenan den baile y bida. Baile recreativo ta accesibel y pa e buskeda avansa, oportunidadnan ta existi pafor cu beca y financiamento disponibel. Mi ta para firme tras di e dicho, “unda tin un boluntad, tin un caminda,” y mi ta comprometi pa guia studiantenan pa haya nan caminda.
Empower Arts - Collaboration with Art is Fun
Empower Arts - Collaboration with Art is Fun
Mi tin e meta pa lansa un programa di beca pa acceso mas amplio y implementa programanan di alcanse na scolnan y barionan. Creando plataformanan pa presentacionnan local y internacional cu lo nutri talento y inspiracion. Mi ta boga tambe pa educacion artistico, usando medionan online pa destaca e meritonan di baile den evolucion personal y artistico.
Built with Shorthand