Den e industria di beyesa, educacion ta e herment crucial pa empodera, inspira y desaroya negoshinan di salon y e artistanan tras di e stulnan.
Cu e creencia aki den mente, L'Oréal Professionnel Paris hunto cu Swift Distribution na Aruba a organisa 2 dia educativo di 'Hands-On' pa estilistanan local. E meta principal tabata pa introduci nan na e ultimonan tecnicanan di Balayage, Color di Cabey como tambe Styling usando productonan di L’Oreal Professionnel Paris.
Pa e evento aki, a invita e conocido Stylist Artist y Educador di L'Oréal Professionnel, Tanja Maria, pa guia y mentor e estilistanan. Un grupo motiva di 20 estilista di varios salonnan di beyesa na Aruba a atende cu entusiasmo, tur cu hopi gana pa domina e arte di e tecnicanan aki.
E sesion nan practico a tuma lugar na Swift Education Center na Wayaca. Durante e dos dianan, e enfoke tabata principalmente riba e arte di color, poniendo enfasis riba e detayenan meticuloso di balayage y con pa aplica contraste y dimension den forma eficaz, usando e ultimonan productonan di L'Oréal Professionnel.
E estilistanan por a experiencia e tecnicanan aki pa nan mes. Bao di e guia atento di Tanja Maria, nan a practica riba e diferente 'hairdressing training heads' cu cabey humano real. Nan por a mira inmediatamente con e producto nan a reacciona y, cu e formula y aplicacion correcto, logra e resultadonan desea.
E tipo di aprendisahenan educativo aki ta beneficia no solamente e estilistanan, kende ta eleva nan abilidadnan cu tecnicanan avansa, pero tambe e negoshinan cu nan ta representa y nan clientela. Ora clientenan sa cu e estilista cu ta atende nan ta experto y actualisa cu lo ultimo den e ramo, esaki ta brinda confiansa den e servicio cu nan ta ricibi.
L'Oréal Professionnel Paris, hunto cu Swift Distribution, ta comprometi na educacion continuo. Nan ta aspira pa constantemente eleva e conocemento di estilistanan local,sigurando asina cu clientenan ta consistentemente satisfecho cu e color y integridad di nan tratamento nan di cabey, tur, cu productonan di L'Oréal Professionnel.
Built with Shorthand