Swift Education Center tabata escenario pa un educacion special cu guia personalisa di experto Silviënne Thijzen
Un rato personalisa di beyesa y aprendisahe a tuma lugar dia 15 di Augustus 2023 den e Swift Education Center cu bishita di e candidatanan di Miss Universe Aruba y LA ROCHE-POSAY. Esaki tabata pa un preparacion special, na vispera di e certamen final di Miss Univers Aruba 2023.
Enfoke di e bishita aki, tabata pa educa y prepara e candidatanan riba e importancia di e cuido di nan piel cu productonan di LA ROCHE-POSAY.
Silviënne Thijzen, experto di LA ROCHE-POSAY pa Aruba, tabata na encargo di e evento aki, kende a duna un presentacion di varios producto durante e dos oranan reserva pa e candidatanan, cu tabata compaña tambe pa e actual Miss Aruba, Kiara Arends. Un pa un, e experto di
LA ROCHE-POSAY, a pasa door di e productonan, repasando desde e formula di cada un pa e beneficio y forma di aplicacion. Cu esaki, por a mira cu e candidatanan a keda impresiona pa e calidad di e productonan di LA ROCHE-POSAY unda nan a mustra hopi interes haciendo preguntanan al caso, di problema cu acne pa piel seco, rosacea te tratamentonan pa acne y cutis seco. Hasta a discuti e importancia di productonan di LA ROCHE-POSAY pa pashent nan cu a pasa door di tratamento nan di chemo terapia. E experto a aplica tambe e importancia pa hydrata ‘moisturize’ e piel y e uso crucial di sunblock semper. Tur detaye, a keda ampliamente splika.
Ta importante pa agrega cu LA ROCHE-POSAY su productonan ta reconoci pa dermatologonan mundialmente y ta pasa den e protocolnan di mas riguroso, prome cu keda poni riba mercado.
Despues di a haya tur splicacion y por a haci pregunta, a yega e momento di berdad, pues pa cada candidata experencia e productonan adecua pa nan piel, pa nan mes.
E prome paso tabata pa cuminsa c’un cara limpi, pa cual motibo, tur por a uza producto di facial cleanser di LA ROCHE-POSAY pa cuminsa.
Di eynan, e candidatanan a purba varios producto, un pa un riba nan man y cara.
Bou guia di Silviënne Thijzen, cada candidata a siña con pa aplica e productonan corectamente, p’asina haya e beneficionan desea.
Swift Distribution, reconociendo e importancia di e cuido continuo di cutis, a sorprende cada candidata di Miss Aruba c’un regalo di e productonan exclusivo di LA ROCHE-POSAY, cu e promesa di asina duna inicio na cada un, di logra un cutis radiante cu cada aplicacion.
E evento Miss Universe Aruba 2023 lo ta dia 20 di Augustus 2023 na Renaissance Convention Center. Swift Distribution Aruba ta desea e candidatanan Karol Croes, Gavriëla Bozo, Lorraine Oduber, Milenka Janssen y Anaïsa Orman hopi suerte.
Built with Shorthand