SETAR BUSINESS EVENT 2023
GREGG BROWN
KEYNOTE SPEAKER
GREGG BROWN A INSPIRA UN SALA COMPLETO CU SU MENSAHE DI
CORAHE & CAMBIO
DEN FORMA DI PENSA PA ENFRENTA E CAMBIO NOS DILANTI
Setar business event 2023
Un sala completamente yen di invitadonan, comercio y ehecutivonan a reuni dia 30 di Maart 2023, pa un otro exitoso Business Event organisa pa Setar. Esaki tabata e dia #17 evento como tal, pero e prome despues di 2 aña, debi na pandemia.
E sala di Hilton Aruba Caribbean & Casino a sirbi como escenario, pa e exitoso evento aki, cu semper tin un meta pa sea informa, inspira of motiva.
E biaha aki, e mensahe di e orador invita, Gregg Brown tabata uno cu tur hende por a identifica cune, cual tabata adapta y cambio di mentalidad pa e cambionan cu pandemia a laga tras riba hopi nivel den negoshi.
E anochi a cuminsa cu director di Setar, Roland Croes, kende a repasa con Setar a adapta y enfrente e pandemia na Aruba. Den un forma hopi habri y sincero, Roland a Croes a elabora riba e retonan cu e compania tabata para dilanti dje, y con, como team, nan a tuma decisionnan hunto. E compania a sera pa 1 solo dia, 19 di maart 2020, pa planea hunto, mientras SETAR tabata para dilanti su prome perdida di entrada den 2020. E director a comparti cu como compania, SETAR a enfoca riba 5 pilar importante pa por a nabega durante e periodo di incertidumbre, entre otro:
Sr. Croes a comparti algun highlights di Fiber y IPTV te cu 2022 y e metanan cu SETAR tin pa cu Fiber y IPTV pa final di 2023, p’asina mas cliente por experiencia lo ultimo den tecnologia di television y miho speed y conexion stabil na cas of negoshi.
"Nos ta mira 2023 cu hopi optimismo, unda nos ta mira crecemento grandi pa Setar
Gregg brown
E orador invita, Gregg Brown, a cuminsa su presentacion, recordando con e comportacion di mundo tabata durante un pandemia, unda e preshon pa adapta tabata crucial.
Den un forma hopi accesibel, Brown a baha for di escenario un rato pa interactua cu e publico pa explora pensamentonan, riba cua tur ta e factornan importante cu tabata necesario, pa por a pasa e pandemia y enfrenta e cambionan nos dilanti. Determinacion, Eficiencia y Fortalesa ta algun di e puntonan comparti. Di su banda, e orador a splica y elabora riba un formato cu e ta yama MIA, cu ta relata na 3 punto importane pa aplica, na momento di prepara pa enfrenta cambionan post pandemia e.o.
E tema presenta a habri pa combersacion durante e encuentro cu a sigui unda invitadonan a topa otro den un forma mas relaha pa un recepcion unda por a network y intercambia di idea riba e topico di “Change” y “The Future of Work” presenta durante e evento.
Pabien na team di SETAR, c'un otro evento exitosamente organisa.
-Click riba potret/video pa haci mas grandi-
Built with Shorthand